111افغانستان کی سیکیورٹی فورسز نے پاکستان سے ملحقہ سرحدی علاقے میں کارروائی کرکے 18 شدت پسندوں کو ہلاک کر دیا ہے۔

جلال آباد: ( ویب ڈیسک) غیر ملکی خبر رساں ادارے کے مطابق افغان سیکیورٹی فورسز نے پاکستان سے ملحقہ پہاڑی سرحدی علاقے میں کارروائی کرکے 18 شدت پسندوں کو ہلاک کر دیا ہے۔ ننگرہار کے پولیس چیف کے مطابق کارروائی میں 26 شدت پسند زخمی بھی ہوئے۔ کارروائی میں 4 افراد کو گرفتار کرلیا گیا ہے جس میں تین پاکستانی بھی شامل ہیں۔ ننگرہار پولیس پولیس چیف کے مطابق آپریشن کے دوران شدت پسندوں کے قبضے سے بھاری تعداد میں اسلحہ اور گولہ بارود بھی قبضے میں لے لیا گیا ہے۔ شدت پسندوں کیخلاف حالیہ کارروائی پاکستان سے ملحقہ سرحدی علاقے نازیان میں کی گئی۔ غیر ملکی خبر رساں ادارے کے مطابق افغان فورسز کی جانب سے شدت پسندوں کیخلاف حالیہ آپریشن صوبہ ننگرہار میں شروع کیا گیا ہے جو القاعدہ کے سابق لیڈر اُسامہ بن لادن کا بیس کیمپ بھی کہلاتا تھا۔ واضع رہے کہ پشاور کے آرمی پبلک سکول پر حملے کے بعد پاکستان نے افغانستان سے اس واقعے میں ملوث دہشتگردوں کیخللاف کارروائی کی ڈیمانڈ کی تھی۔ پاکستان حکومت افغانستان سے متعدد مرتبہ کالعدم تحریک طالبان کے سربراہ مُلا فضل اللہ کی حوالگی کا مطالبہ بھی کر چکی ہے۔